ຫລັກສູດນີ້ສ້າງຂຶ້ນຕາມການພັດທະນາຊັບພະຍາກອນມະນຸດໃຫ້ເປັນໄປຕາມ 3 ລັກສະນະ ຄື: ລັກສະນະຊາດ, ລັກສະນະວິທະຍາສາດທັນສະໄຫມ ແລະ ລັກສະນະມະຫາຊົນ ແລະ ຕາມ 5 ຫລັກມູນຂອງການສຶກສາ ຄື: ຄຸນສົມບັດສຶກສາ, ປັນຍາສຶກສາ, ສິລະປະສຶກສາ, ແຮງງານສຶກສາ ແລະ ພາລະສຶກສາ ເພື່ອກໍ່ສ້າງ:

1) ນັກບໍລິຫານທີ່ພຽບພ້ອມໄປດ້ວຍຄຸນສົມບັດສິນທຳປະຕິວັດ, ຮັກ​ຊາດ​ຮັກ​ລະບອບ​ໃຫມ່, ເຄົາລົບນັບຖືລະບຽບກົດຫມາຍບ້ານເມືອງ, ມີ​ສະຕິ​ຕໍ່ການປ່ຽນແປງທາງດ້ານເສດຖະກິດ -​ ສັງຄົມ ແລະ ສິ່ງ​ແວດ​ລ້ອມ.

2) ນັກບໍລິຫານທີ່ມີຄວາມພ້ອມໃນການນໍາໃຊ້ຄວາມຮູ້, ຄວາມສາມາດ ແລະ ທັກສະທາງດ້ານການບໍລິຫານເຂົ້າໃນການປະຕິບັດວຽກງານຕົວຈິງໄດ້ທັງພາກລັດ, ເອກະຊົນ ແລະ ການປະກອບທຸລະກິດຢ່າງມີປະສິດທິພາບ ແລະ ປະສິດທິຜົນ.

3) ນັກວິຊາການທີ່ລົງເລິກວິຊາສະເພາະ ສາມາດນໍາໃຊ້ຄວາມຮູ້ເຂົ້າໃນການບໍລິຫານທຸລະກິດຕ່າງໆ ໄດ້ຢ່າງສອດຄ່ອງເຫມາະສົມກັບສະພາບແວດລ້ອມ ແລະ ຄວາມກ້າວຫນ້າທາງດ້ານເຕັກໂນໂລຊີ.

4) ສ້າງນັກວິຊາການທາງການບໍລິຫານທີ່ມີຄວາມຊໍານານ ໃນການວິເຄາະ, ການຕັດສິນໃຈໃນການປະຕິບັດວຽກງານ ແລະ ມີຫົວຄິດປະດິດສ້າງ ສາມາດນໍາເອົານະວັດຕະກໍາໃຫມ່ມາຫມູນໃຊ້ໃນການບໍລິຫານ.

5) ສ້າງນັກວິຊາການໃຫ້ມີຄວາມຮູ້ທາງດ້ານການວາງແຜນ, ການບໍລິຫານຄຸ້ມຄອງທຸລະກິດ ແລະ ອົງການຕ່າງ.

6) ນັກສຶກສາສາມາດວິໄຈບັນຫາທາງດ້ານທຸລະກິດ ແລະ ຊອກຫາແນວທາງແກ້ໄຂໄດ້ຢ່າງເຫມາະສົມກັບສະພາບຄວາມເປັນຈີງ.

7) ເປັນນັກສົ່ງເສີມ, ວາງແຜນແຜນພັດທະນາທຸລະກິດ.

8) ເປັນຜູ້ປະກອບການທຸລະກິດທີ່ມີປະສິດທິພາບສູງຮູ້ວິທີການຫມູນໃຊ້ຂໍ້ມູນຂ່າວສານເຂົ້າໃນການວາງແຜນຍຸດທະສາດຂອງທຸລະກິດໄດ້ຢ່າງຖືກຕ້ອງ.